Ukhuwah

Ada tulisan kece tentang ukhuwah... alah lumayan lamo sih...

Tanyato kok mambahas ukhuwah wak, masih jauah ruponyo. Ukhuwah tu tigo tingkek, ta'aruf, tafahum, samo takaful.

Kni awak masih
di tingkek ta'aruf. Masih paralu mancaliak nan surang ko mode apo lakunyo, nan surang ko mode apo lo.
Masih lamo bantuaknyo proses awak saliang tahu tanyato anakko mode iko, atau anakko sukonyo di gikoan, bahkan mungkin awak alun tahu ba a caro awak menyikapi nan lain.

Masih jauah bantuaknyo mungkin proses ba a awak bisa memahami (tafahum) katiko anak ko mode iko. Kok tibo2 mellow se. Kok tibo2 mancaracau ndak jaleh se. Atau mungkin tibo2 elok parangainyo. Katiko itu mungkin wak palahan diam, palahan tanyo, atau awak tahu anak ko mungkin giko gara2 yang lain. Atau biasonyo inyo indak akan mode ko kalau ndak mode ko.

Disiko wak baraja saliang mamahami.

Tapi tanyato masih jauah yoo.
Memang mah, ukhuwah ko payah. Ndak mudah gai do. Caliak lah dalam surek al kahfi, rasulullah se di suruah saba jo laku para sahabaik. Umek paliang elok sapanjang sajarah. Berarti sahabat acok lo buek rasulullah sasak angok. Kok sampai Allah langsuang yang manyuruah...

O iyo, tanyato ukhuwah tu memang sulik mah. Caliak lah balasannyo se sarugo. Bahkan salah satu dari tujuh golongan nan ka mandapek syafaat tu adolah "duo urang nan saliang mancintai karano Allah".....

Kalau memang siap berukhuwah, barati wak siap untuak bamasalah jo urang lain. Siap lo untuak tasingguang, siap untuak diingekan dan siap untuak maningekkan...

Ehh itu se baru tingkek "tafahum" baru. Alun lai ka tingkek labiah tinggi. Takaful; ba a awak nan namuah jo sanang ati manangguang masalah kawan ko. Kok ado nan ndak bisa langsuang awak nan maju manggantian. Kok ado masalah langsuang awak nan sato ikuik mamacahan masalah.
Masih jauah bantuaknyo untuak sampai ka tingkek iko.

Dan ukhuwah paliang randah tu adolah "salamatus shadr"... Mudah balapang dado. Laweh mode samudra hati wak. Kok ado masalah kawan wak bisa manarimo tanpa ado ndak tasangkuik di dalam..

Permasalahannyo kini,

Apokah wak lah siap untuak baukhuwah???

*lintasan pangana sudah  😅😅😅